INTERPRETAZIUNS GEOLOGICAS-STRUCTURALAS
Siond specialisats illa sparta da la geologia structurala ed alpina, eschna pro CARTOGRIP capabels da far diversas examinaziuns ed interpretaziuns geologicas-structuralas. Nossa fermezza sun las cartas «suogliadas» – quai voul dir cartas geologicas ingio chi’s vezza be il grip (il quartar superficial vain interpretà davent). Cartas suogliadas muossan uschè la relaziun e geometria tanter differents tips da crappa. Ella vain adüna furnida insembel cun plüs tagls e sco paket constituischen quels la basa per ün bun model in 3D da nos suotterrain. Eir sco carta da basa per l’incletta da l’existenza d’aua i’l suotterrain o lura pella stimaziun dal privel da boudas da terrain o da grippa sun las cartas suogliadas fich nüzziaivlas, scha na dafatta indispensablas.
EXAMINAZIUNS GEOMETRICAS E PROGRAMMAZIUN DA “TOOLS”
CARTOGRIP douvra divers «tools» programmats in aigna producziun per analisar ed interpretar la geometria dal suotterrain – impüst sülla basa da la carta. Uschea as poja per exaimpel cun ün tool visualisar directamaing sülla carta co cha üna surfatscha geologica va tras üna lingia disegnada sülla carta e co cha quella es orientada. Nus proponin damaja da far tschertas analisas structuralas per vus cul agüd da nos tools.
