Davo CARTOGRIP am zoppa eu, Anna Rauch.
Eu sun nada (dal 1989) e creschüda sü a Sent. Davo la matura, (fatta sül Institut Otalpin Ftan) suna ida giò Genevra per stübgiar geologia a l’Università da Genevra – «sciences de la Terre et de l’environnement». Per mia lavur da Master n’haja tut suot la marella la geologia da l’Engiadina Bassa, specialamaing la regiun dal Piz Mundin sur Tschlin. Davo il stüdi n’haja pudü ramassar dürant ün on importantas experienzas pro l’Uffizi federal da Topografia (swisstopo). I m’ha trat davo darcheu inavo a Genevra ingio ch’eu n’ha perscruttà per mia dissertaziun dürant quatter ons sur dad intschertezzas ed eir sur dal adöver d’interpretaziuns sün cartas geologicas.
Davo avair survgni il titel da docter, m’haja büttada plainamaing in quista nouva aventüra da CARTOGRIP ed eu sun be buonder cun che ch’eu gnarà tuot confruntada.